Naikkat iti trabaho ti tallo nga empleyado ti Office of Transportation Security gapu iti maatap a pakainaigan dagitoy iti “tanim-bala” nga insidente iti Ninoy Aquino International Airport (NAIA).
Daytoy ket in-anunsyo ni Transportation Secretary Vince Dizon ita nga aldaw.
Sigun kenni Dizon, maisayangkat ti umno nga imbestigasyon ken maikkan dagitoy iti kaskenan a pannusa kalpasan iti pinal nga imbestigasyon a maisayangkat.
Inyunay-unay ni Dizon a saan dagitoy a pabor iti anyaman a panang-abuso no sadino nasken ti panaka-aksyon a dagus dagitoy kas pammilin ni President Ferdinand Marcos Jr.
Ti panakaikkat dagiti empleyado ket kalpasan a maysa a 69-anyos a babai ti naituding nga agbiyahe sadiay Vietnam kaduana ti pamilya daytoy ti nang-akusar kadagiti empleyado gapu iti tanim bala.
Maibasar iti post ti nasao a babai, dandani a saan a matuloy ti byahe dagitoy kalpasan nga imbaga ti maysa nga empleyado nga adda ti nakita a bala wenno “anting-anting” iti bagahe dagitoy kas maibasar iti naisayangkat nga x-ray image.
Ngem, idi maipatungpal ti physical inspection ket awan ti nakitada.
Gapu iti dayta, imbilin ni Dizon a nasken a maadal dagiti protocols maipapan iti maipatpatungpal nga screening ken security protocols kadagiti airports ti pagilian.
