Imbabawi ti tallo nga indibidual ti kandidaturada para iti kina-konsehal iti siudad ti Baguio.
Daytoy ket kalpasan ti deadline ti panangipila iti Certificate of Candidacy.
Iti panakiuman ti Bombo Radyo ken Atty. Joh Paul Martin, Election Officer ti Commission on Elections – Baguio, nagwithdraw da Franco Chanco, Fred Go ken Thomas Tabcao, amin dagitoy ket independent candidates.
Iti agdama, uppat a pulo laengen ti bilang dagiti agngayangay para iti kina-konsehal iti siudad iti midterm elections inton sumaruno a tawen.
Sigun ken Atty. Martin, maguyguyugoy dagiti nangipila iti kandidaturada a sapsapaenda ti mangipila iti statement of withdrawalsda sakbay iti bulan ti Disyembre tapno saan a mainayon ti nagan dagitoy iti balota.
Kabayatanna, awan ti nangipila iti petisyonda kontra kadagiti kandidato a nangipila kadagiti kandidatora dagitoy.
