--Ads--
Pimmusay ti tallo nga empleyado ti maysa a meat warehouse ken nadangran ti sangapulo ket pito a dadduma pay iti pannakaiyuswat ti drone attack ti Ukraine kontra iti Moscow, Russia ken ti aglawlaw daytoy a rehion.
Malaksid kadagiti nadangran ken pimmusay, nangitundad pay ti panagatake iti pannaka-shutdown ti uppat nga airport ti Russia, sigun iti maysa nga opisial ti nasao a pagilian.
Pakabuklan a 343 a drones ti naipaturong idiay Russia, pakairamanan ti siam a pulo ket maysa iti Moscow region, ken 126 iti western region iti Kursk.
Sigun kenni Moscow Mayor Sergei Sobyanin, ti pannakaiyuswat ti drone ket ti kadakkelan a Ukrainian drone attack iti siudad.
