BAGUIO CITY – Sumangsango iti nagtutuon a kaso ti tallo nga indibidual kalpasan a natiliw dagitoy kabayatan ti implemengtasyon ti marijuana eradication operation iti Mount Bitullayungan sadiay Barangay Butbut Proper, Tinglayan, Kalinga idi kalman.
Maibasar iti report, kabayatan ti panangimplementar dagiti otoridad iti eradication operation ket naranaanda ti tallo nga indibidual nga agap apit ken mangur-urnong ti marijuana iti nasao a disso
Nabigbig dagitoy a da Peter Bagtang, 22-anyos; Langao Bagtang, 70-anyos ken maysa a 17-anyos.
Nakita met dagiti armas a nakasukbit iti bagi dagitoy
Ginandatda pay nga aglibas idi nadlawda ti presensia dagiti otoridad ngem natiliw latta dagitoy
Nakumpiskar kadakuada ti saggaysa a pidaso ti caliber 22 nga addaan 12 a bala, caliber 9mm nga addaan ti 21 a bala, ken 12-gauge shot hun nga addaan ti 4 a bala.
Nakumpiskar pay dagiti mapattapatta a 5,000 a puon ti marijuana nga aggatad ti P1-M.
Gapu iti daytoy, sumango dagiti tallo kadagiti kaso a panaglabsing iti RA 9165 wenno ti Comprehensive Dangerous Drugs Act of 2002, RA 10591 wenno ti Firearm Regulation Act ken ti COMELEC Resolution No. 10728 wenno ti Gun Ban.
