Posible a maipilaan iti kaso a Malicious Mischief, Obstruction, Encroachment ken Illegal Fencing ti tallo nga indibidual sadiay Puguis, La Trinidad Benguet itay nabiit.
Maibasar iti report ti pulsiya, lima a daras a naglabsing dagiti akusado iti agduduma a bulan ken tawen.
Immunan a napasamak ti insidente nga obstruction Disyembre idi napan a tawen nu sadino, nagpark ti food cart ti akusado iti sangwanan iti driveway ti nagreklamo.
Idi bulan iti Pebrero ita a tawen, rinugyan dagiti akusado ti agipasdek iti balay iti kapada a disso a mapapati a tagikua iti nagreklamo.
Idi met bulan iti Abril, nangiparada manen dagitoy iti dakkel a truck iti kapada metlaeng a disso a nagbalin a maysa a rason iti panakataktak iti nasao a lugar.
Kabayatanna, idi laeng Oktubre, nangimuntar dagitoy iti alad iti masukapan ngem saan dagitoy a nagala kadagiti umno a dokumento wenno permits.
Kasaruno dayta, pinukan dagiti akusado dagiti kayo sadiay ken innalada dagiti kayo nga awanan iti kaskenna a pammalubos.
Gapu kadagiti nadakamat nga insidente, nagreklamo ti agtagikua iti lote kadagiti otoridad.
Manarimaan metten ti panakaipatungpal ti umno a proseso para iti panakipaay iti kaskenan a kaso kontra kadagiti tallo nga indibidwal.//Bombo Noveh Organo
