Naipilaanen iti kaso dagiti tallo nga indibidwal nga adda ti pakainaiganna iti ipupusay daydi One Direction member Liam Payne.
Kasaruno dayta ti panakagun-od dagiti otoridad iti naan-anay nga ebidensya iti “illicit conduct” dagiti akusado.
Sigun iti National Criminal and Correctional Prosecutor’s Office iti Argentina, dagiti akusado ket pakairamanan iti maatap a drug dealer, empleado ti hotel a nakatayan ti singer, ken maysa nga indibidwal nga addaan iti nasinged a relasyon kenkuana.
Dagiti kaso a naipila ket pakairamanan iti abandonment of a person followed by death, ken ti supply and facilitation of narcotics.
Immunan a naduktalan iti resulta iti otopsiya a ti bagi ni Payne ket addaan iti traces iti alkohol, cocaine, ken antidepressant.
Maipalagip nga ti agtawen iti 31 a British singer ket pimmsuay idi october 16, 2024 iti maysa nga hotel idiay Buenos Aires, Argentina.