BAGUIO CITY -Karaman dagiti tallo nga unibersidad iti Cordillera kadagiti pagadalan a nakaawat ti pammigbig manipod iti Supreme Court kas maibasar iti resulta ti 2020-2021 Bar Examination.
Addaan ti University of the Cordillera iti maysa nga excellent bar taker a ni STEPHANIE MAE DOMINGO a karaman kadagiti 14 a baru nga abogado iti Excellent List wenno dagiti nakaala ti passing rate a nangat-ngato iti 90% wenno ti sigud a traditional Top 10 Bar passers.
Top 1 met ti Saint Louis University kadagiti 22 a pagadalan nga addaan iti 51 agingga 100 nga examinees/bar takers ken nailistada ti 98.667% nga passing rate manipod kadagiti 1st time bar takers dagitoy.
Nabigbig met ti Abra Valley Colleges iti Group 4 wenno dagiti pagadalan nga addaan iti 10 ken agpababa nga bar takers bayat nga siento porsiento a nakapasa dagiti 1st time bar takers dagitoy.
Iti nasao nga eksaminayon, nailista ti 72.28% wenno katukad ti 8,241 manipod kadagiti 11,402 nga examinees ti nakapasa iti 2020/2021 Bar Examination.
Record high ti nasao a bilang iti pakasaritaan gaputa nailista ti 75.17% a kangatoan a record idi 1954 Bar Exam.
Dumanon iti 14 (0.17%) dagiti adda iti Excellent List wenno dagiti nakagun-od ti above 90% a grado bayat nga 761 dagiti karaman iti Exemplary List wenno dagiti nakagun-od ti nangato a grado.
Maipalagip a ti nasao nga eksaminasyon ti kaunaan nga digitalize bar exam a naipatungpal idi Pebrero 4 ken 6 iti pagilian nu sadinno nairaman ti maysa a pagadalan ditoy Baguio City a nagserbi kas testing center.
