Dumanon iti tallo pulo ket innem a lugar iti Pilipinas, ti impasidong ti Commission on Elections (Comelec) iti red category wenno election areas of concern para iti mapadpadaanan a midterm election.
Karaman ditoy dagiti sumagmamano a lugar sadiay Bangsamoro Autonomous Region in Muslim Mindanao (BARMM) kas iti Piagapo, Lanao del Sur, bayat a sadiay Maguindanao del Sur ket pakairamanan ti Datu Hoffer Ampatuan, Shariff Aguak, Datu Paglas ken Sultan Mastura.
Malaksid iti dayta, naipasidong metlaeng iti red category ti Cotabato City ken Hadji Mohammad Ajul, Basilan.
Gapu iti dayta, kinuna ni Comelec chairman George Garcia a mangipatungpalda iti peace and order situation assessment iti intero a pagilian kas panagrugi ti official campaign period para kadagiti local candidates inton Marso baente otso.
