Naipaayan ti kampo ni sigud a Negros Oriental Representative Arnolfo Teves iti tallo pulo nga aldaw tapno umapela iti Timor-Leste Court of Appeals’ iti desisyon dagitoy iti pangipaayda iti kiddaw ti Pilipinas nga extradition kontra kenkuana.
Kumpyansa ni Department of Justice Undersecretary Raul Vasquez a mapatgan ti kiddaw dagitoy para iti reconsideration order.
Namnamaen ti Department of Justice nga agsubli ni Teves iti Pilipinas kalpasan a pinatgan dagiti otoridad idiay Timor-Leste ti kiddaw dagitoy nga extraditon tapno sanguenna ti kaso daytoy gapu iti panangpapatay kenni Negros Oriental Governor Roel Degamo idi napalabas a tawen.
Nupay kasta kinuna ti Legal counsel daytoy a ni lawyer Ferdinand Topacio a saan paylaeng daytoy a maisubli iti gaputa maur-uray paylaeng ti pannakarisut ti kiddawna a political asylum idiay Timor-Leste.
Gapu iti dayta, agsagsaganan ti Department of Justice para iti posible a panagsubli ni Teves iti pagilian.//Rose
