--Ads--
Dumanonen iti tallo pulo nga indibidual ti pimmusay iti napasamak a panaglayos iti capital ti Democratic Republic ti Congo a Kinshasa idi napalabas a lawas.
Nupay kasta, daytoy a datos ket provisional ken mabalin a manayunan.
Maipalagip nga itay napalabas, ti Ndjili River a paset ti nasao a siudad ket nag-overflow idi rabiin ti Biyernes a nangitunda iti panakalayos ti main national road ken ti panakastranded dagiti drivers.
Malaksid iti dayta, sumagmamano a pagtaengan ti napukawan iti kuryente ken suplay iti danum.
Kabayatanna, mapabpabasol ti iligal housing iti nasao a lugar nga isu’t nakaitunda iti ipupusay ti ado a katao kasta met ti panakadangran dagiti daduma.
