--Ads--
BAGUIO CITY – Nasira ang tanim ng magsasaka sa Napnap, Am-am, Balili, Mankayan, Benguet dahil sa andap o frost.
Sa larawang ibinahagi ni Raquelyn, makikita ang mga natuyo at nalantang dahon ng mga tanim na patatas.
Tinatayang nasa 7,000 square meters ng taniman ng patatas ang naapektuhan ng andap.
Ayon kay Raquelyn, mahigit dalawang buwan nang naitanim ang patatas at nakatakdang anihin sa susunod na buwan, ngunit ito ay maagang namatay.
Idinagdag niya na sinira ng andap o frost ang mga dahon ng patatas dahil hindi ito agad nadiligan.
Naiulat na rin ang naturang insidente sa barangay.
