Umaaw-awat iti nagduduma a reaskyon ti tarigagay a market development iti siudad ti Baguio.
Iti panakiuman ti Bombo Radyo kenni Atty. Edison Bilog iti siudad, kinunana a pabor daytoy iti panakapabaro iti merkado iti siudad.
Nupay kasta, saan daytoy nga ummanamong no daytoy ket maibangon babaen iti Private public partnership gapu ta ado dagiti banag a mapagdandanagan.
Sigun kenni Atty. Bilog, nasken a maipatungpal ti market development babaen iti city government ken saan a babaen kadagiti private corporations.
Kinuna ni Atty. Bilog a pudno a saan a nasayaat ti kasasaad ti palengke gapu iti naangot nga aglawlaw kasta met ti panakaadda dagiti ado nga otot rason a rumbeng a mapasayaat daytoy ngem saan met a kasapulan a babaen daytoy iti partnership, ti napateg ket nadalus ken nasayaat ti buya daytoy.
