(Manipud iti 128 ket posible a mapagbalin a 42 ti bilang dagiti barangay ditoy Baguio City.)
BAGUIO CITY – Agtultuloy ti panagtaripnong nga isaysayngkat ti Association of Barangay Councils (ABC) ti Baguio mainaig iti plano a barangay merging wenno ti panagtitipon dagiti babbarangay ditoy siudad.
Sigun kenni ABC president ken Councilor Michael Lawana, iti agdama ket dumanon laengen iti pito a barangay ti saanda pay a nakapatang.
Innayonna a mangbukelda iti scheme no kas-ano a mapagbalin a 42 ti bilang dagiti babbarangay ti siudad manipud iti agdama a 128.
Impanamnamana nga apaman a maileppasda ti nasao a banag ket dagusda nga isumitir iti lokal a konseho ti siudad ken iti opisina ni Congressman Mark Go.
Kinunana a babaen iti daytoy ket maaramid ti kaskenan nga addang kas iti panakaputar ti proposal para iti nasao a plano.
