Ammo yo kadi mga kabombo a nagleppas ti maysa a regional beauty pageant iti trahedia?
Nagleppas ti regional beauty pageant idiay Altamira, Brazil kalpasan a pinaltogan ti tatang ti maysa kadagiti constestants dagiti judges gapu ta fourth placer laeng ti anak daytoy.
Nabigbig ti suspek a ni Sebastiao Francisco.
Napasamak ti nasao nga insidente kalpasan saan a napnek ti suspek iti pwesto ti anakna no sadino nangrugi a dinamagna kadagiti judges ti desisyon ken evaluation criteria dagitoy a nangitunda iti nasao nga insedente.
Napunpunno kadagiti private security ken military police ti nasao a venue, ngem gapu iti unget ni Francisco saanna a nalapdan a nangiruar iti paltogna.
Gapu iti daytoy, pinaltogan met dagiti otoridad ngem dagus metlaeng a naiturong iti pagagasan ngem naideklara a dead on arrival.
Malaksid iti dayta, agpatpataming met ti maysa nga indibidual kalpasan a nagsagrap iti sugat.
Iti agdama, manarimaan paylaeng ti imbistigasyon iti daytoy.
