BAGUIO CITY – Nagun-od ti Team Baguio ti umuna a puesto iti Batang Pinoy Luzon Leg a naangay sadiay Vigan City, Ilocos Sur.
Napangabakan ti delegasion ti siudad ti Baguio ti 49 gold medals, 45 silver medals ken 44 bronze medals.
Maikadua iti listaan ti delegasion ti Laguna a nakagun-od iti 34 gold medals, 20 silver ken 26 bronze medals bayat a maikatlo ti Pangasinan nga addaan iti 33 gold medals, 28 silver medals ken 24 bronze medals.
Maibasar iti report, adu dagiti atleta a naklaat iti panangabak ti siudad ti Baguio gapu ta iti umuna a tallo nga aldaw ti pasalip ket arigna adda iti udi ti medal tally ti Team Baguio.
Nupay kasta, kinuna ni Gaudencio Gonzales, dadaulo ti Sports and Recreation Division ti syudad a nakasubbot ti Team-Baguio idi narugian dagiti individual sports kas iti taekwondo, arnis, archery, athletics, swimming, karatedo ken dadduma pay.
Manamnama a maipaay ti nagduduma a pammadayaw iti Team Baguio ita nga aldaw kabayatan ti closing ceremony ti Batang Pinoy Luzon Leg.
Nakualipikar ti Team Baguio iti 2018 Batang Pinoy National Championship a maangay inton Pebrero.
————Filipino translation——————
BAGUIO CITY-Nakamit ng Team-Baguio ang tagumpay sa Batang Pinoy Luzon Leg na naganap sa Vigan City, Ilocos Sur.
Nakasungkit ang delegasyon ng lunsod ng Baguio ng 49 gintong medalya, 45 pilak at 44 tansong medalya na nagresulta upang manguna ito sa patimpalak.
Pangalawa naman ang delegasyon ng Laguna na mayroong 34 ginto, 20 pilak at 26 tansong medalya habang pangatlo ang Pangasinan na nakakuha ng 33 ginto, 28 pilak at 24 tansong medalya.
Nagulat ang maraming atleta at coaches na nakibahagi sa aktibidad sa pagkakapanalo ng Team-Baguio dahil sa unang tatlong araw ng patimpalak ay halos nasa huli ng medal tally ang delegasyon ng Baguio.
Gayunman, sinabi ni Gaudencio Gonzales mula sa Sports and Recreation Division ng Baguio na nakabawi ang Team-Baguio nang magsimula ang mga individual sports gaya na lamang ng taekwondo, arnis, archery, athletics, swimming, karatedo at iba pa.
Inaasahang tatanggapin ng Team-Baguio ang iba’t-ibang parangal ngayong araw sa awarding at closing ceremony ni Batang Pinoy Luzon Leg.
Dahil sa tagumpay, sasabak ang Team-Baguio sa 2018 Batang Pinoy National Championship na magaganap sa Pebrero.
