BAGUIO CITY – Nagbalin nga overall champion ti Team Baguio iti naangay a Muay Thai National Open sadiay Elorde Sports Complex, Sucat, Parañaque City a nagleppas idi kalman.
Sigun kenni Bryan Olod, presidente ti Muay Thai Association of the Philippines – Baguio Chapter, nakagun-od ti Team Baguio iti 17 a gold medalas, 15 a silver medals ken 7 bronze medals.
Kinunana a dumanon iti 143 nga atleta manipud iti nagduduma a martial arts gym ti siudad ti nakipaset iti nasao nga aktibidad.
Dinakamat ni Olod nga imbaklay ti lokal a gobierno a siudad ti transportasion, allowance ken uniporme dagiti atleta.
Maipalagip a nagkampeon met laeng ti Baguio Muay Thai Team iti 2016 Muay Thai National Championship ken iti Muay Thai National Open a naisayangkat ditoy siudad idi napalabas a bulan ti Marso.
Maangay ti maikatlo a rikos ti Muay Thai National Open inton bulan ti Hulyo sadiay Dumaguete City.
