BAGUIO CITY – Siento porsiento a nakasaganan ni Team Lakay fighter Delfin Nawen para iti comeback fight daytoy inton Sabado.
Makasango ti Igorot fighter ti MMA artist a ni Mhel Clinton Remolar iti main event iti Team Lakay Championship XVII inton Dec. 14 sadiay Benguet Multi-Purpose Gym.
Impanakkel ni Nawen a mas napimpintas ita ti kondision ti bagina kalpasan ti nasurok dua a tawen a panaginanana iti lubong ti mixed martial arts (MMA).
Inlawlawagna a temporario nga inbatina ti MMA gapu ta nagbalin a makumikom daytoy iti personal a biagna ken iti bukodna a pamilia.
Kinuna pay ni Nawen a nakaawis kenkuana nga agsubli iti MMA ti makitkitana nga agtultuloy a karera dagiti kakadwana iti Team Lakay.
Mangnamnama ti Igorot fighter nga agbalin a napintas ti resulta ti labanna inton Sabado.