--Ads--
BAGUIO CITY – Determinado ni sigud a two-time ONE lightweight world champion Eduard Folayang a mangilaban ti titulo daytoy iti manamnama a labanna inton Oktubre 30 sadiay Singapore
Maipalagip a naituding a sangwen ni Folayang ti Australian fighter a ni Antonio Caruso iti ONE: Inside the Matrix inton October 30.
Sigun iti Team Lakay fighter, napintas daytoy nga oportunidad ken gundaway tapnu agrugi manen daytoy kalpasan iti panag-inanana iti walo a bulan.
Mainaig iti dayta, kinunana nga awan ti panggep daytoy nga ibbatan ti mix martial arts (MMA) ken mamati daytoy a saanna pay a naipakita ti amin a potential-na.
Impettengna a kabaelanna pay a lumaban ken mangabak iti tay-ak ti MMA.
