BAGUIO CITY – Nakapokus ita ti kampo ni Team Lakay fighter Jhanlo Sangiao iti hard training para iti naituding a laban na idiay Lumpinee Stadium sadiay Bangkok, Thailand intun Hulyo 12.
Makasango ti Bantamweight prospect ti Mongolian heavy hitter a ni Shinechagtga Zoltsetseg iti ONE Fight Night 33.
Sigun iti Cordilleran striker, tarigagay na a makasubbot iti umuna a pannaka-abak na iti career na kas mix martial artist dua a tawenen ti napalabas nu sadino innala na daytoy a karit tapno makabangon.
Innayon na a pursigido daytoy nga itakder ti bagi na nu sadino dakkel nga adal ti napidot na iti first carreer loss na kontra iti maysa met lang a Mongolian fighter a ni Enkh-Orgil Bataarkhuu.
Iti agdama ket napaingetan pay ti ensayo ti Filipino brawler babaen iti panangi-giya kenkuana ni ama na ken head coach ti Team Lakay a ni Mark Sangiao.
Karaman pay a mangisagsaga iti batlle plan daytoy da sigud a One Flyweight World Champion Geje Eustaquio ken dagiti stable mates na a da Jean Claude Saclag, Carlo Alvarez ken Carlo Von Buminaang.// Bombo Jordan Tablac
