BAGUIO CITY – Nabukel ti maysa a technical working group (TWG) a makibinnadang iti United Nations Development Programme – Department of Transportation (UNDP-DOTr) para iti pannakaipatungpal ti proyekto iti low carbon urban transport system (LCUTS) ditoy syudad.
Maibasar iti pammilin ni Baguio City Mayor Benjamin Magalong, mandato ti nasao a TWG a mang adal iti plano ken implementasyon ti LCUTS project.
Malaksid iti dayta, madutukan ti nasao a grupo a mangisagana iti napintas a masterplan a makaipaay iti umno a plano tapnu masolusyonan ti nailet a kasasaad ti trapiko ti syudad babaen iti pannakapadur as ti mobility kagiddan iti pannakapasayaat ti kalidad ti angin iti syudad.
Naibilin pay iti TWG ti panangisubmitirda kadagiti plano iti opisina ti mayor ken iti Land Traffic and Transportation Management Committee sakbay a maipatungpal.
