Inakusaran ni Ramon Tulfo ni Health Secretary Teodoro “Ted” Herbosa nga immawat daytoy iti ₱60 million a kickbacks manipod kenni Construction Workers Solidarity (CWS) party-list Representative Edwin Gardiola.
Ti akusasyon ni Tulfo ket inruarna iti Facebook page daytoy nu sadino, nadakamat nu kasano a naipaima kenni Herbosa ti nasao a gatad kasta metten ti armored Toyota Land Cruiser a maatap nga impaay metlaeng kenkuana ni Gardiola.
Sigun kenni Tulfo, inruar ni Gardiola ti ladawan seknan iti daytoy kalpasan a naadddan dagiti dua nga opisyales iti suppiat.
Iti agdama, awan pay ti komento dagiti maseknan a kampo iti akusasyon ni Tulfo.
Maipalagip a ni Herbosa ket naakusaran kadagiti kaso a graft mainaig iti maatap nga anomalya kadagiti proyekto iti health department.
Kasta met a maitudtudo ni Gardiola nga adda metlaeng ti pakainaiganna kadagiti naanomalyan a flood control projects gapu ta maysa metlaeng daytoy kadagiti aw-awaganda a cong-tractor nu sadino,immuna metten nga in-freeze ti Anti-Money Laundering Council (AMLC) dagiti bank account a mainaig kenkuana.
