Inlaylayon ti Land Transportation Office (LTO) ti deadline para iti pannakaiparit dagiti improvised ken temporary plates para kadagiti motor vehicles angingga intun Disiembre 31, iti agdama a tawen.
Nupay kasta, dagiti addaanen iti umno a plate ket rumbeng nga i-install dagitoy.
Sigun kenni Land Transportation Office chief Assistant Secretary Atty. Vigor Mendoza II, agtultuloy a guyguyuguyen ti nasao nga ahensia dagiti makinkukua iti lugan a mang-claim iti plaka iti laksid ti pannakapaatiddog ti deadline.
Maipalagip a naipaulog ti memorandum circular kontra iti pannakausar dagiti improvised ken temporary plate, kalpasan a naammuan a saan nga i-claim dagiti rehistrado a makinkukua iti kotse ken dagiti baro a nagatang a lugan ti plakada manipud kadagiti dealership.
Immunan a kinuna ti Land Transportation Office a ti deadline iti pannakaiparit dagiti improvised ken temporary plates ket idi kalman.
