Agleppas inton bigat agsapa ti naipaulog a Temporary Restraining Order kontra kadagiti agbarbarikada a residente ti Guinaoang ken Bulalacao idiay Mankayan.
Daytoy ket maipanggep ti agtultuloy nga isyu iti panggep a drilling exploration iti nasoa a lugar.
Iti pannakiuman ti Bombo Radyo kenni “Mhatotz”, maysa a residente ti Mankayan, impettengna nga ituloyda latta ti agbarikada tapno takderanda ti ilablabanda.
Innayonna pay nga ipamuspusanda nga agbarikada sadiay uray no saanda pay laeng a makamula ita gapu ta patienna a pagsayaatan ti ilida ti araramidenda a panagbarikada.
Sigun pey kenni “Mhatotz”, awan ti intesyonda a makiapa gapu ta ti kayatda laeng ket masalwadanda ti ili da.
Innayonna a saan laeng gamin a ti pagbiyaganda ti maapektaran no di ket dagiti metlaeng babbalayda ken ti lugar a dinmakelanda amin. //bombokaren.c.sapirao
