BAGUIO CITY – Impalubos ti City Tourism Office ti temporaryo a panakipagnaed dagiti turista kadagiti kabagyanda no agturongda ditoy siudad ti Baguio.
Sigun kenni Senior City Tourism Officer Jose Marie Rivera, maipatungpal ti spot checking kadagiti address nga ilanad dagiti bisita iti registration dagitoy tapnu makumpirmar no kabagyan dagiti turista ti pagdagusanda ken saan a kadagiti accomodations nga awanan iti lisensiya.
Maipalagip a naipawil ti panagturong dagiti turista kadagiti kabagyanda ken naibilin a kadagiti laeng rehistrado a hotel wenno transient houses ti pagdagusanda tapnu mamintinir ti operasyon dagiti nasao nga accomodation establishments.
Dinakamat pay ni Rivera a mangisayangkatda iti workshop para kadagiti accomodation establishments seknan iti umno a panangparehistro ken panangakomodar kadagiti bisita dagitoy.
