--Ads--
Nakasaganan dagiti maaramat a tents kadagiti evacuation center idiay Lourdes Subdivision Extension, Baguio City.
Daytoy ket tapno adda ti aramaten dagiti agbakwit iti kanito nga adda iti emerhensia, kagiddan ti mapaspasaran a tropical storm Kristine.
Nagtitinulong met dagiti maseknan nga opisyales sadiay para iti pannakaitarimaan dagitoy.
Iti agdama, agtultuloy latta ti panagbantay dagiti maseknan nga opisyal iti intero a subdivision para iti seguridad dagiti umili.
Kabayatanna, maipagpaganetget met kadagiti umili a liklikan ti rumuar la ketdi saan a napateg ti aramiden tapno maliklikan ti aniaman nga insidente.
