Inwaragawag ti Malacañang ita nga aldaw nga inlaylayon ni President Ferdinand Marcos Jr. ti serbisyo ni Philippine National Police (PNP) Chief Rommel Marbil iti uppat a bulan.
Daytoy ket gapu ta naituding nga agretiro ni Marbil inton bigat.
Maibasar iti Memorandum a pinirmaan ni Executive Secretary Lucas Bersamin, inaprobaran ni Marcos Jr. ti termino ni Marbil iti laksid iti compulsory retirement a tawen a 56.
Iti sabali a bangir, inyebkas ni Marbil ti panagyamanna iti presidente gapu iti panakailaylayon ti serbisyona no sadino impasiguradona ti panagregget pay daytoy para iti umadanin a 2025 National ken local elections.
Immuna met nga imbaga ni Marcos Jr. a saan a nasayaat a sukatan ti dadaulo iti Philippine National Police nangruna ket manarimaan ti election period.
