Manamnama a mailukat ti “The Mansion” iti siudad ti Baguio para iti public viewing.
Iti panakiuman ti Bombo Radyo kenni ni Engr. Bonifacio Dela Peña, City Administrator iti siudad ti Baguio, impakaamona a maur-uray laeng ti proposal para iti panakailukat daytoy iti publiko tapno adda a mabalin dagitoy a makauneg ken makita ti kinapintas ti nasao a “The Mansion” ken saan laeng nga agpatingga iti ruar ti panakabuya ti nasao a lugar.
No pay kasta, iti panaglukat daytoy iti publiko ket kasapulan ti panakaipatungpal iti entrance fee.
Kabayatanna, kinuna ni Dela Peña nga awan pay laeng ti naaw-awat dagitoy a proposal maipapan iti panggep ni First Lady Liza Araneta Marcos a maipasdek ti maysa a museum iti likod ti “The Mansion house.”
Sigun iti nasao nga opisyal, silulukat met ti siudad ti Baguio para kadagiti anyaman a pangpanggepen ti gobyerno nangruna no daytoy ket para iti pagsayaatan ti siudad.//M
