Posible nga ilaylayon ti Vatican ti timeframe iti panagbisita dagiti pilgrims iti pimmusay a ni Pope Francis iti St. Peter’s Basilica anginga iti tingga ti rabii gapu iti adu a bilang dagiti bisita.
Ti bangkay ti nasao a Santo papa ket nakamasayag iti tallo nga aldaw manipud idi pimmusay daytoy idi Lunes, April 21, 2025.
Maipalagip a panggep ti Vatican nga isardengda ti panagbisita iti 12AM ita a rabii agingga intun bigat, April 24, 2025.
Kabayatanna, agpatingga laeng iti 7:00 PM ti panagbisita iti bangkay daytoy intun Biernes, April 24, 2025.
Posible a maitabon ti bangkay ti Santo Papa iti simple wagas iti Roman basilica, Santa Maria Maggiore kas maibasar iti naudi a kiddaw daytoy.
Ti Roman basilica, Santa Maria Maggiore ket maysa kadagiti uppat a kangrunaan a simbaan iti Christendom idiay Rome.
