BAGUIO CITY – Nangabak ti lima nga Igorot Mixed Martial Arts (MMA) artist manipud Team Lakay iti nagduduma a debision ti “ONE: Kings of Destiny” a naangay sadiay Pasay City, Metro Manila idi rabii.
Balligi a naidepensa ni ONE lightweight world champion Eduard Folayang ti titulo daytoy kontra ken ni Malaysian contender Ev Ting babaen iti unanimous decision kalpasan ti lima a rikos ti laban.
Nangabak met ni One-time bantamweight title challenger Kevin Belingon kontra ken ni Toni Tauru manipud Finland iti undercard ti pasalip babaen iti knockout.
Pinaneknekan met ni sigud a ONE featherweight champion ken agdama a lightweight champion Honorio Banario nga adda pay laeng ti napigsa a bileg daytoy kalpasan ti knockout victory daytoy kontra ken ni Jaroslav Jartim manipud Czech Republic.
Inabak met ni Igorot fighter Danny Kingad ni Ammad Aiman manipud Malaysia babaen iti unanimous decision ken pinaneknekanna a daytoy ti maikari nga agbalin a flyweight champion.
Nagbalin met nga atomweight champion ni Gina Iniong kalpasan a nangabak babaen iti unanimous decision kontra iti pada daytoy a Pilipina a ni Natalie Gonzales.
