BAGUIO CITY- Pormalen nga inawaragawag ti Philippine Military Academy ti Top 10 iti PMA Bagong Sibol sa Kinabukasan Mandirigma Hanggang Wakas- Bagsik Diwa Class of 2022.
Iti naangay nga Kapihan sa PMA, naangay ti presentasyon ti 214 cadets nga agturpos iti Bagsik-Diwa Class of 2022 a pakairaman ti 165 nga lallaki ken 65 nga babbai.
Manipod iti nasao a bilang, 104 ti manamnama nga agserbi iti Philippine Army, 57 iti Philippine Navy ken 53 iti Philippine Air Force.
Idaoloan ti anak ti suldado ken teacher ti Topnotcher wenno Class Valedictorian iti klase a manipod South Cotobato a ni Cadet 1CL Krystlenn Ivany Quemado nu sadinno kinunana a nagserbi kas inspirasyon dagiti nagannakna iti panagbalin daytoy kas maysa nga kadete ken lider.
Nabigbig met kas Rank 2 wenno Salutatorian ni Cadet 1CL Kevin John Pastrana manipod ditoy Irisan, Baguio City ; rank 3 ni Cadet 1CL Ian Joseph Bragancia ti Iloilo; rank 4 ni Cadet 1CL Faithe Turiano ti Camarines Sur; rank 5 Cadet 1CL Yyoni Xandria Marie Tiu (Davao City); rank 6. Cadet 1CL Jake Anthony Mosquera (North Cotabato); rank 7. Cadet 1CL Jesie Mar Frias (Antipolo City, Rizal); rank 8. Cadet 1CL Elvin John Oyo-a (Butuan City); rank 9. Cadet 1CL Nerfa Minong (Zamboanga City) ken rank 10 ni Cadet 1CL Criselle Jane Rico (Zamboanga City).
Kumpirmado met nga agserbi kas Guest of Honor and Speaker ni Presidente Rodrigo Dutere iti graduation ceremony a maangay intun Domingo, May 18 sadiay PMA Fort del Pilar.
