BAGUIO CITY- Naiwaragawagen dagiti mangbukel iti Top 10 ti Philippine Military Academy – Alagad ng Lahing Binigkis ng Tapang at Lakas (PMA ALAB TALA) Class of 2018.
Topnotcher ni Cadet First Class Jaywardene Hontoria manipud Pavia, Iloilo ken idauluanna ti dumanon 282 a kadete a kaklasena.
Class salutatorian ni Cadet First Class Ricardo Witawit Liwaden manipud sadiay Gawana, Barlig, Mt. Province bayat a third placer ni Cadet First Class Jun Jay Malazzab Castro manipud Amulung, Cagayan; fourth placer ni Cadet First Class Leonore Andrea Cariño Japitan manipud Ambago, Butuan City; fifth placer ni Cadet First Class Mark Jantzen Nono Dacillo manipud Tumaga, Zamboanga City; sixth placer ni Cadet First Class Jezaira Laquinon Buenaventura manipud Bais City, Negros Oriental; seventh placer ni Cadet First Class Jessie Antonio Laranang ti Clemente, Tarlac; eight placer ni Cadet First Class Paolo Balla Briones ti Camp Allen, Baguio City bayat a ninth placer ni Cadet First Class Jayson Raymundo Cimatu ti Casiguran, Aurora ken tenth placer ni Cadet First Class Micah Quiambao Reynaldo ti Bamban, Tarlac.
Maibasar iti listaan ti PMA, 207 dagiti lallaki bayat a 75 dagiti babbae ken naamuan pay a 143 ti sumrek iti Philippine Army, 71 iti Philippine Air Force ken 68 iti Philippine Navy.
Sigun iti akademya, dagitoy dagiti nabati iti dumanon 21,600 a nagaplikar para iti PMA Class of 2018.
Kinuna pay ti PMA a ti bilang dagiti babbae iti graduating class ita ti kaaduan iti pakasaritaan ti akademya.
Maangay ti seremonya ti panagturpos dagiti kadete inton March 18 ken agserbi ni Presidente Rodrigo Duterte kas guest of honor and speaker.
