BAGUIO CITY – Nakemmeg ti maibilbilang a Top 3 Most Wanted Person ti Baguio City iti naisayangkat nga operasyon sadiay Purok 6, Bulanao, Tabuk City, Kalinga idi kalman.
Nabigbig daytoy a ni Tadashi Caguay y Baglinit, 37-anyos, baro , construction worker ken residente ti Purok 2, Bulanao Norte, Tabuk City, Kalinga.
Nakemmeg ni Baglinit babaen iti warrant of arrest nga impaulog ti maseknan a Korte gapu iti kaso-na a panaglabsing iti RA 9262 wenno ti Anti-Violence Against Women and Their Children Act of 2004 ken ti Violation 10 seknan iti Art. 59 ti PD 603 wenno ti Child and Youth Welfare Code.
Narekomendaran daytoy iti 40, 000 ken 90, 000 para iti temporaryo a pannakawaya-wayana.
Ni Balignit ket maibilbilang a maikatlo a top most wanter person para iti maikadwa ken maikatlo a kwarter ti Baguio City Police Office Station 10.
Iti agdama, agtaltalinaed daytoy iti Kalinga Police Provincial Office para iti umno a dokumentasyon sakbay a maipaima iti issuing court.
