BAGUIO CITY– Nakemmeg ti maibilbilang a Top 6 Most Wanted Person iti Regional Level iti manhunt operation nga inpatungpal dagiti otoridad sadiay Burayucan, Balong, Tabuk City, Kalinga idi malem kalman.
Nabigbig daytoy a ni Raymond Vicente Doctolero , 25-anyos, baro, ken residente ti nadakamat a lugar.
Nakemmeg daytoy babaen iti naipulog a warrant of arrest gapu iti kaso na a rape seknan iti RA 7610 wenno ti Special Protection of Children Against Abuse, Exploitation and Discrimination Act no sadino awan ti nairekomendar a piansa daytoy para iti temporaryo a pannakawaya-wayana.
Addan iti kustudiya ti Tabuk CPS para iti dokumentasyon ken pannakaipaimana iti issuing court.
Kabayatanna,
Nakemmeg metlaeng ti maysa nga estudyante ken maibilbilang nga Street level individual iti insayangkat dagiti operatiba a buy-bust operation sadiay Laya East, Kalinga idi kalman.
Nabigbig daytoy a ni Laurence Ralph Erise, 21-anyos ken residente iti barangay San Julian iti nasao a lugar.
Maibasar iti report, naala manipud iti suspek ti lima a pakete ti mapapati a shabu ken ti P1,000 a buy-bust money babaen iti pulis a nagserbi kas pusher buyer.
Mapattapatta a dumanon iti pakabuklan a P5,000 dagiti nakumpiskar nga iligal a droga.
Naiturongen ti suspek iti Kalinga Police Provincial Office para iti umno a disposisyon ti kaso.
