BAGUIO CITY – Adda itan iti kostudiya ti pulisya ti maibilbilang a Top 7 high value target list ti PDEA-Cordillera ken number 10 iti Provincial Level kalpasan ti naiyuswat a search warrant operation dagiti otoridad sadiay iti Calumbaya, Dolores, Abra idi kalman.
Nabigbig daytoy a ni Mark Dick Trondillo alyas Madik.
Naipatungpal ti operasyon iti pagtaengan ni alyas Madik babaen ti bileg ti search warrant nga inyetnag ti MCTC Dolores-Bangued nga impatungpal met dagiti napagtitipon a pwersa ti nagduduma a unit ti pulisya.
Narekober dagiti otoridad ti uppat a pakete ti maatap a shabu, drug paraphernalia, caliber 45 ken bala.
Sumangsango itan ti nasao nga indibidual iti panaglabsing ti RA 9165 wenno ti Comprehensive Dangerous Drugs Act of 2002 ken RA 10591 wenno ti Firearms Ammunitions Regulations Act.
