Top no. 3 Most Wanted Person ti Pangasinan, nakemmeg ditoy siudad ti Baguio

BAGUIO CITY– Nakemmeg ditoy Baguio City ti maibilbilang a No. 3 Top Most Wanted Person Municipal Level 3rd Quarter ti Pangasinan.

Nabigbig daytoy a ni Ferdinand Ellena Genese, 58-anyos ken tubo ti Tara-tara ,Sison,Pangasinan.

Nakemmeg daytoy babaen iti operasyon ti nagtipon a pwersa ti Baguio City Police Office ken ti Sison Municipal Police Station.

Nakemmeg pay ti nasao nga indibidual babaen iti billeg ti warrant of arrest nga inserbi ti korte a naipaulog idi pay July 30, 2020.

Sumangsango itan ni Genesa iti kaso a Frustrated Murder ken narekomendaran iti P200,000 para iti temporaryo a pannakawayawaya daytoy.

Naiturong metten daytoy iti estasyon ti BCPO sakbay a maipaima daytoy iti Sison MPS.