BAGUIO CITY – Sumangsangon iti kaso a panaglabsing iti RA 9165 wenno Comprehensive Dangerous Drugs Act of 2002 ti dua a babai a natiliw iti buy-bust operation nga insayangkat dagiti otoridad sadiay Longlong, Puguis, La Trinidad, Benguet idi kalman.
Nabigbig dagitoy a da Cecilia Baquelar Bulatao ken Marites Dela Cruz Alao, agpada a customer relation service officers ken residente ti Baguio City.
Nakumpiskar kadakuada ti tallo a pakete ti maatap a shabu nga agdagsen ti 1.5 grams, ti naaramat a buy-bust money ken ti cellphone nga inaramatda iti transaksion.
Maibasar iti rekord dagiti otoridad, ni Bulatao ket mabigbigbig nga “untouchable” ken “name-dropper” a maysa a top priority target listed personality ti napagtipon a listaan ti PDEA-Cordillera ken Police Regional Office Cordillera.
