Top Most Wanted Personality ti Cordillera iti 1st quarter ti agdama a tawen, nakemmeg

BAGUIO CITY – Kinemmeg ti nagtipon a puersa ti City ken Regional Intelligence Unit ti Top Most Wanted Personality iti regional level iti umuna a quarter ti agdama a tawen.

Nabigbig ti suspek a ni Joseph Mama-o, 50, naasawaan, mannalon, tubo ti Hingyon, Ifugao, ken residente ti Banaue, Ifugao.

Nakemmeg daytoy babaen iti warrant of arrest nga impaulog ti RTC Branch 59 Baguio City gapu iti kaso daytoy a murder.

Immunan a naidiaya ti P25, 000 money reward para iti panakakemmeg daytoy.

Awan met ti nairekomendar a piyansa iti nasao a suspek.