BAGUIO CITY – Mapadpadaanan ti maikadua a panangpabiag iti Tour of Luzon inton Abril 23 iti agdama a tawen.
Tawen 1955 a nangrugi ti Tour of Luzon ken 1998 idi simmardeng daytoy.
Nopay kasta, narevive manen daytoy idi tawen 2002 a napanaganan kas heart of Philippine cycling.
Iti nasao a kompetisyon ket ditoy a ma-test ti stamina ken endurance dagiti siklista.
Malaksid iti dayta, maimatangan met dagiti siklista ti nangkakapintas a view dagiti bambantay ken daduma pay.
Nasurok met a ribo a kilometro ti dalyasaten dagiti riders a mangrugi idiay Laog City, Ilocos Norte paturong iti siudad ti Baguio.
Dagitoy met dagiti nagduduma nga stage wenno stop-over:
Stage 1 – Loag City agingga Pagudpod
Stage 2 – Loag City agingga Vigan City
Stage 3 – Vigan City agingga Agoo La Union
Stage 4 – Agoo agingga Clark Mc Arthur Highway
Stage 5 – Clark agingga Clark
Stage 6 – Clark agingga Lingayen
Stage 7 – Lingayen agingga Lingayen
Stage 8 – Lingayen agingga Baguio City via Kennon Road
Sigun kenni Abraham Tolentino, President ti Philippine Olympic Committee, birbiruken daytoy dagiti daduma a pagilian isu’t gapuna a magagaran dagitoy nga isubli ti nasao a torneo.
Daytoy nga aktibidad ket collaborative effort ti Philcycling , Philippine Olympic committee, Metro Pacific Tollways Corporation, Basic Conversion and Development Authority ken dadduma pay.
Iti agdama, addan ti (17) sanggapulo ket pito nga bunggoy a nakarehistro a buklen dagiti local teams, continental teams, top teams ken dagiti foreign teams manipud Indonesia, Taiwan, Hong Kong, Singapore ken Malaysia.
Iti tunggal bunggoy, buklen daytoy ti pito a riders, maysa a coach, maysa a mechanic ken maysa a team medic.
Saan metten a maturog dagiti siklista kadagiti pagadalan nga pagsardenganda tapnu aginana, nu diket kadagiti hotels dagitoyen a maturog nu makalpasda iti tunggal stage.
Nakasagana metten dagiti papremyo ken dagiti dadduma pay a honorable mention awards a maipaay kadagiti siklista a makipaset iti panagsubsubli ti Tour of Luzon ita a tawen.
