BAGUIO CITY – Mailukaten dagiti tourist spot ti Baguio kadagiti residente ti siudad mangrugi inton bigat, September 1.
Pakairamanan ditoy ti Burnham Park, Wright Park, Mines View ken ti Dominican Heritage Hill and Nature Park.
Iti interview ti Bombo Radyo Baguio kenni City Administrator Engr. Bonifacio Dela Peña, kinunana a ti laeng maipalubos ket ti boating, biking, horseback riding ken daddumma pay.
Inyunay-unayna met a nasken nga agtulnog dagiti residente kadagiti health and safety protocols partikular ti panagaramat ti face mask, face shield ken ti obserbasyon ti physical distancing nu agturongda kadagiti pagpasyaran.
Linawlawaganna pay nga awan ti opisyal nga aldaw a naituding para iti panakailukat ti turismo ti Baguio para kadagiti turista manipud iti ruar ti siudad.
