--Ads--
Napasamak ti trade deal iti nagbaetan ti Los Angeles Lakers ken Dallas Mavericks kalpasan nga insukat ti Lakers ni All-Star Anthony Davis kenni Luka Doncic ti Dallas.
Ti panakaipatulod ni Most Valuable Player candidate Doncic iti Lakers ket maysa kadagiti umipakibtot a katulagan iti pakasaritaan ti National Basketball Association.
Gapu iti dayta, ado nga sport enthusiast ti napadamag no apay a napasamak ti trade deal.
Maibasar iti maysa a report, maysa a pakaseknan ti Dallas Mavericks ket ti injury a mapaspasaran ni Doncic kasta met komitment daytoy.
Kabayatanna, dagiti daduma a nainayon iti bunggoy ti Lakers ket da Maxi Kleber ken Markieff Morris bayat a ti nainayon iti bunggoy ti Mavericks ket da Mac Chritie ken 2029 1st round pick.
