--Ads--
BAGUIO CITY – Kiniddaw ni PCI Benson Macli-ing, chief of police ti La Trinidad Municipal Police Station ti panagtungpal dagiti maseknan a motorista iti maisagana a traffic directions sadiay iti kanito a mailukat ti Strawberry Festival inton Marso 6.
Panggep ti nabukel a traffic directions a maigiya dagiti motorista a dumaldalyasat iti national highway sadiay La Trinidad tapnu maksayan ti agbalin a parikut iti trapiko.
Kinunana a dagiti agtaud iti Halsema Highway nga awanan iti aramiden wenno transaksion iti La Trinidad ket mabalin nga agdiretsoda iti Tawang Road ken Longlong-Puguis Road a rumuar iti siudad ti Baguio.
Immunan a napagnumuanda a ti Department of Tourism ti mangimuntar kadagiti nasao a traffic directions para kadagiti motorista.
