BAGUIO CITY–Agtultuloy ti panagsangbay ti adu a turista ditoy siudad ti Baguio kas maibasar iti grupo dagiti accredited a transient house ken inns ditoy siudad.
Segun kenni Johny Bautista, presidente ti Baguio Volunteers Tourism, iti umuna pay laeng a lawas ti bulan ti Pebrero ken adun dagiti turista manipud iti nagduduma a paset ti pagilyan ti nagpa-booked kadakuada.
Kinunana a gapu iti daytoy ket fully-booked amin dagiti transient house ken inns ken namnamaenda nga ita manen a lawas ket adu manen dagiti turista nga agpareserba iti kuwarto kadagitoy gapu iti grand street ken grand float parade inton Sabado ken Dominggo.
Immapela met daytoy kadagiti padana a negosyante iti saanda a pananggundaway kadagiti bisita tapnu saan a maapektaran ti negosyo dagitoy.
Kinunana a daytoy ti kangrunaan a pagbiaganda isut gapuna a rumbeng laeng a salwadanda tapnu saan metlaeng a madadael ti imahe dagitoy.
Impalagipna met ti panagbalinda a managraem, naasikaso kadagiti bisita ken saanda a gundawayan nga ipangato ti abang gapu iti panagado dagiti sumangbay a turista
