Naituding a mangisayangkat ti Transport group PISTON iti nationwide transport strike intun March 19, gapu iti agtultuloy a fuel price hike nga intuntunda ti tensyon sadiay Middle East.
Sigun kenni PISTON national president Mody Floranda, idaulwan daytoy dagiti driver, operator, ken dadduma pay.
Naituding metlaeng a mangipila ti PISTON iti P5 fare increase.
Mainaig iti dayta, binabalaw ti PISTON ti gobierno iti P5,000 a cash aid para kadagiti apektado a drivers ken operators.
Sigun kadakuada, saan nga umdas ti gatad ken maaramat laeng daytoy iti sumagmamano nga aldaw panggastosda iti gasolina.
Kabayatanna, inawagan pay ni Floranda dagiti kompania ti lana nga ilakoda pay nga umuna dagiti nababa nga stock ti gasolina sakbayda ipangato ti presio.
Indagdagadag pay ti PISTON iti gobierno nga iwaksida ti Oil Deregulation Law ken kidkiddawenda a mapalubusan dagiti kompania ti lana a mangidiktar iti presio ti gasolina.
Kiniddaw pay ti grupo ti pannakasuspender ti excise tax kadagiti produkto a petrolyo.
