Impeksa ni Orlando Marquez, Presidente ti Liga ng Transportasyon at Operators sa Pilipinas (LTOP) nga apektado dagitoy iti mapaspasamak a maatap a korapsion iti pagilian.
Iti interview ti Bombo Radyo kenkuana, kinunana nga apektadoda agsipudta, saanda a maipapaayan ti pundo para iti “sustainable program”.
Sigun kenni Marquez, saan nga umdas ti maipapaay kadakuada a subsidiya.
Inlawlawagna a saan a kontra kadagiti maipapaay nga ayuda, ngem mangitunda daytoy iti kinasadot kadagiti Pilipino no saan a napintas ti pannakaipatungpal daytoy.
Gapu iti dayta, kidkiddawenna iti publiko ti suporta para kenni President Ferdinand Marcos Jr. ken dadduma nga opisiales ti gobierno a napintas ti panggepda ken saan a karaman kadagiti korap nga opisial ti gobierno.//mp4
