Ti mapadpadaanan a laban da Igorot MMA Fighter Joshua “The Passion” Pacio ken American MMA fighter Jarred “The Monkey God” Brooks ket maangayen inton rabii idiay Lusail, Qatar.
Daytoy ti maikatlo a laban dagiti dua para iti ONE Strawweight MMA World Title, nu sadino agpada a determinado dagiti dua a fighter nu sinu kadakuada ti pudno nga ari iti dibisyon.
Iti dua nga immunan a laban dagitoy, saggaysa ti pangabak dagitoy isut gapuna a dakkel daytoy a laban para iti karera dagiti dua.
Ti laban dagitoy ket mapasamak, 11:00 pm ita a rabii, Pebrero 20.
Live a mabuya ti trilogy fight da Pacio ken Brooks iti official website ti ONE Championship ken kadagiti broadcast partners daytoy iti pagilian.
Mamati met ni Pacio a mangabak manen daytoy ngem impasigurado met ni Brooks a gibusannan ti laban dagitoy.
