Nangitunda iti panaglayus ken pannakaitantan ti biyahe ti Tropical Depression Luis iti nagduduma a paset ti pagilian.
Karaman kadagiti naapektaran ti sumagmamano a paset ti General Santos City, Negros Oriental, Isabel ken Metro Manila a kas iti Taguig.
Mainaig iti dayta, temporaryo a sinuspinder ti Philippine Coast Guard ti biyahe sadiay Catanduanes ken Northern Quezon gapu iti dakes a sasaaden ti panawen.
Kabayatana, dumanon iti 600 a pasahero ti na-stranded kadagiti sangladan sadiay Albay ken Quezon.