Adda paylaeng ti Tsunami Warning kadagiti sumagmamano a paset ti Japan.
Iti pannakiuman ti Bombo Radyo kenni Marinel Rodrigo, International News Correspondent sadiay Japan, kinunana a naapektaran iti Tsunami ti coastal ti Hokkaido, Japan.
Naapektaran daytoy gapu iti napasamak a gingngined ken Tsunami sadiay Russia.
Sigun pay kenni Rodrigo, manarimaan ti monitoring dagiti otoridad gaputa naikaibbayog iti 2 waves ti Japan.
Inlawlawag daytoy nga iti kanito a nakaibbayog iti 2 waves ti maysa a lugar sadiay, posible a mapasaran ti Tsunami.
Maibasar daytoy iti application nga ar-aramatenda a mangmonitor iti Tsunami sadiay.
Kabayatanna, kinuna ni Rodrigo nga awan ti naipadamag a nagbakwit a Pilipino.
Malaksid iti dayta, awan metlaeng ti nakaru a naapektaran a pasdek sadiay Hokkaido.
Immuna metten a naballaagan dagiti tattao kadagiti posible a maapektaran iti Tsunami a dagus nga agbakwit dagitoy iti kanito a mapasamak ti Tsunami.
Dakkel metlaeng a tulong kadagiti tattao sadiay ti Application a mabalin a mangmonitor iti Tsunami, tapno dagus da a mapakaamuan.
Maipalagip a napasamak ti 8.8 a ginggined iti coastal ti Russia no sadino, nangtignay daytoy iti emergency evacuations manipud iti sumagmamano a paset ti Russia agingga iti amianan a paset ti Japan, Hawaii ken west coast ti Estadus Unidos.
