BAGUIO CITY – Naital-o ti tubo ti Baguio Cirty ken Philippine Army Commanding General Romeo Brawner Jr. iti three-star general.
Daytoy ket kalpasan a pinirmaan ni President Rodrigo Duterte ti panakai-promote-na iti rangko daytoy.
Maipalagip a nagbalin a miyembro ti Philippine Military Academy Class of 1989ni Brawner.
Idi laeng Disyembre 7, nadutukan ni Major General Brawner kas baro a commanding general ti Philippine Army no sadino sinuktana ni Armed Forces of the Philippines (AFP) chief of staff Lieutenant General Andres Centino.
Sakbay pay iti daytoy, nagserbi ni Brawner kas commander ti 4th Infantry Division ti PA ken deputy chief of staff ti militar para iti financial management kasta met a nagbalin a commandant of cadets ti Philippine Military Academy.
Ni Brawner ket maysa metlaeng a Marawi siege veteran a nagserbi kas spokesperson ken deputy commander ti military task force Ranao idi 2017.
Nagserbi pay daytoy kas commander ti 103rd Brigade sadiay Mindanao ken Army spokesperso kasta pay a nagbalin a dadaulo ti AFP Public Affairs Office.
Ni Brawner ti maikawalo nga Army chief iti lima a tawen ti panagserbi ni President Duterte kas commander-in-chief.
Ti Philippine Army ti kadakkel a service iti sidong ti AFP nga adaan iti100,000 personnel no ikumpara iti Philippine Navy ken ti Philippine Air Force.
Kabayatana, agbalin a guest of honor ti nasao nga opisyal kabayatan ti 125th Rizal Day celebration ditoy Baguio City inton Dec. 30, 2021.
