BAGUIO CITY – Napalalo ti ragsak ni Para archer Agustina Bantiloc gapu ta karaman kadagiti delegado a mangibagi iti Pilipinas para iti mapadpadaanan a Paralympic Games Paris 2024 inton Agosto.
Iti interview ti Bombo Radyo kenkuana, sungbat ti kararagna ti panakakwalipikarna iti Paralympic para iti ay-ayam nga archery gapu ta maysa daytoy kadagiti kangrunaan nga arapaapna.
Sigun kenkuana, tawen 2005 idi nangrugi a makibalubal iti archery game bayat nga adda iti powerlifting ngem naipaayan ti gundaway nga ad-adda nga ayatenna ti archery nu sadino dumanonen iti sangapulo ket dua ti panagay-ayamna iti daytoy.
Iti sabali a bangir, imbinglay ni Bantiloc a nainget ti naudi a labanna gapu ta ti nakabinalubal da ket ti pagilian a Chinese Taipei ken South Korea para iti Compound Open Mixed Category iti Para Archer Olympic Qualifers idiay Thailand idi napalabas a tawen.
Sigun kenkuana, nagbalin nga stepping stone-na ti nagun-odna a bronze medal tapno ipadasna met iti Paralympic.
Iti agdama, nakapokus ita ni Bantiloc iti panagsanayna para iti nasao a kompetisyon.
Kinunana pay a saan a lapped ti kasasaadna nu diket agserserbi daytoy kas insipirasyon tapno maallukoy dagiti daduma pay a Persons With Disability a manggun-odmet iti arapaapda iti biag.
Ni Bantiloc ti maika-tallo nga y-Kalinga a nakastrek iti Olympics.
Kabayatanna, mapasamak ti Paris Paralympic Games inton August 28 agingga September 8, ita a tawen.//Bombo Marinel Rodrigo
