--Ads--
Nasarakan dagiti kameng ti Philippine Coast Guard (PCG) ti kanayunan a tulang ti tao kabayatan ti panangituloyda iti search operations idiay Taal Lake.
Sigun kenni Justice Secretary Crispin Remulla, adda ti nayunna a bungo ti tao ken addaan pay daytoy iti ngipen.
Innayon ni Remulla a posible a makaalada iti DNA, manipud kadagiti nasao a ngipen ti tao.
Maipasidong metlaeng dagiti tulang iti forensic examination ken DNA collection.
Nasarakan dagiti tulang iti lokasion nga intudo ti whistleblower a ni Julie “Dondon” Patidongan
Kabayatanna, kinuna ni Remulla a ditoy a maibaga a pudno ti ibagbaga ti testigo a ti Taal Lake ti pakaibelbellengan dagiti bangkay ti patpatayen dagiti suspek a tao.
